ఈ పుట అచ్చుదిద్దబడ్డది
రేకు: 0366-1 భూపాలం సంపుటం: 11-391
పల్లవి: నిన్నటికి నాయఁ బోయ నేఁడే లయ్య
కన్నుల బీరాలే కాని కాంక్ష లేకుండ దయ్యా
చ. 1: వొట్టు వెట్టుకొనెఁ గాన వూర కున్నది చెలియ
వెట్టికి మాట లాడక వేఁడుకోవయ్య
పట్టినపంతమే కాని పై నున్నది ప్రేమ
వట్టియనువనా లేల వద్దికి రావయ్యా
చ. 2: పలుక దింతే కాని భార మెల్ల నీ మీఁదనే
చలి వాయఁ బై చేయి చాఁచవయ్య
చల మనేపేరు గాని సతి తమకము బెట్టు
కలికిచెక్కులు నొక్కి కాఁగిలించవయ్యా
చ. 3: సిగ్గులే మరఁగు గాని చింతలు వెలి కురికీ
యెగ్గు దీర మంచముపై కేఁగవయ్య
అగ్గమై శ్రీవెంకటేశ అంగనఁ గూడితి వింక
నిగ్గుల నాపెకోరికె నెరవేర్చవయ్యా