ఈ పుట అచ్చుదిద్దబడ్డది
రేకు: 0365-6 వరాళి సంపుటం: 11-390
పల్లవి: ఏమి సేతు మొగమోట మిదివో నాకు
దీమసానఁ దిట్ట లేను దీవించ లేనూ
చ. 1: తోయ రాదు నీ మాఁట దొరవు నీ వాన తీఁగా
సేయ రా దటంటే నీవు చెప్పిన ట్టెల్ల
రాయడిసతుల మచ్చరము నాలో మాన లేను
వే యైనా నీ వారి పొందు విడిపించ లేనూ
చ. 2: తెగ రాదు నీమీఁద తేరి నన్నుఁ బొగడఁగ
నగ కుండ రాదు నీవు నవ్వించఁగ
వొగి నీ వెం దైనఁ బోతే వోరుచు కుండఁగ లేను
మగఁడవు నీ గుణాలు మట్టుపెట్ట లేను
చ. 3: పట్ట రాదు పాయ మిది ఫైకొని నీవు గూడఁగా
గుట్టు నేయ రాదు నీవు కొంగు వట్టఁగా
చుట్టాలఁ జేసితివి నీ సుదతుల నెల్లాఁ దెచ్చి
యిట్టె శ్రీవెంకటేశ యింక బాయ లేనూ