ఈ పుట అచ్చుదిద్దబడ్డది
రేకు: 0365-5 సామంతం సంపుటం: 11-389
పల్లవి: అన్నియుఁ గావలసిన ట్టయ్యీఁ గాని
యెన్నికగా మమ్ము నంపు యేల నవ్వే విఁకను
చ. 1: ఆనుక నీ వాడినట్టే ఆపెతో నే విన్నవించే
వీనుల నీ మాట లెల్ల వింటిఁగా నేను
కానుకగాఁ బట్టె మయ్య కాంతకు నీ సరితెలు
యీ నిజాలె చెల్లించుకో యేల నవ్వే విఁకను
చ. 2: అక్కడనే పనులు అందాలుగాఁ జేసి వచ్చే
గక్కన నీ చేఁత లెల్లఁ గంటిఁ గా నేను
పెక్కు నీవినయములు బిందెల నించే నాపెకు
యిక్కడనే వుండవయ్య యేల నవ్వే విఁకను
చ. 3: తీపులు గా నీరాక తేట తెల్లములు సేసే
నాపెకు నీకు లో నైతిఁ గా నేను
యేపున శ్రీవెంకటేశ యిద్దరిఁ గూడించితిని
యేప నైనా నాన తీ నీ వేల నవ్వే విఁకను
