ఈ పుట అచ్చుదిద్దబడ్డది
రేకు: 0365-4 భవుళి సంపుటం: 11-388
పల్లవి: ఏల చిన్నఁ బోయినాఁడ విందుకుఁ గాను
ఆలరి వినోద మింతే ఆపె నీపైఁ గోపమా
చ. 2: కలికికన్నుఁ గొనల కాంత నిన్ను నవ్వఁగాను
తల వంచే వేమయ్య తక్కక నీవు
అలిగినవిధమో నీ వవ్వల యే మైనఁ జేసి
చెలరేఁగి యిందు వచ్చి సిగ్గు వడ్డ విధమో
చ. 2: సోవలు గా నూరివారి సుద్దు లాపె చెప్పితేను
యీవలఁ బైకిఁ దీసుకో నే లయ్య నీకు
తావుల నీ కందే మైనా తగులు గలదో కాక
కావిరి నెం దైన మరి కలఁగి వచ్చితివో
చ. 3: గక్కన నాపె నిన్నుఁ గాఁగిటఁ గూడఁగాను
వొక్కటై శ్రీవెంకటేశ వుస్సు రనేవు
అక్కడ నెవ్వతె కైన ఆస యిచ్చి వచ్చితివో
లక్కవలెఁ గరఁగినలాగు రతిఁ జూపేవో
