ఈ పుట అచ్చుదిద్దబడ్డది
రేకు: 0365-3 బౌళి సంపుటం: 11-387
పల్లవి: ఏరా నావద్ద నుండే యిది దగునా
ఆరీతిఁ గనీఁ గానమి నది గొంత గాక
చ. 1: కాఁకలు నేయుచు నాపె కన్ను లెదిటికి వచ్చి
సోఁక నిన్ను నవ్వితేనె చొక్కి పడేవు
మూఁకలో నుండి అప్పటి ముసుఁగు వెట్టుక కొమ
రాఁకల నెలయించఁగ నట్టె చూచేవు
చ. 2: మటమాయముల నాపె మాట దీసి నీతోడ
సటులు రెం డాడితేనె చన విచ్చేవు
తటుకున నప్పటిని దగ్గరికివచ్చి యాసె
యెటు నేయు మనినాను యియ్యకొనే విపుడు
చ. 3: సిగ్గుపడ కాపె నిన్ను చేచాఁచి కాఁగిటఁ గూడి
వొగ్గి లోనికిఁ దీసితే వొడఁబడేవు
నిగ్గుల శ్రీవెంకటేశ నీవు న న్నప్పటిఁ గూడి
తగ్గి యాపెచే మొక్కించి తగులు సేసేవూ