ఈ పుట అచ్చుదిద్దబడ్డది
రేకు: 0365-2 లలిత సంపుటం: 11-386
పల్లవి: కానీవయ్య అందు కేమి కాల మిట్టే వుండీనా
మాన కెవ్వతె సలిగె మతి నమ్మినాఁడవో
చ. 1: మాట లాడ నాతో నీకు మనసు రా దోమో కాక
పాటించి నేఁ బిలువఁగా బరా కయ్యేవు
చీటికి మాటికిఁ దొల్లి చేసన్నకె వచ్చేవాడఁ
వీటున రాజసాన నీ వెవ్వరిఁ గైకొనవు
చ. 2: నగ నైనఁ గొంత నాతో నంటున దోసమో కాక
మొగము నేఁ జాడఁగానె మోము వంచేవు
అగపడి యేపొద్దు నాయండఁ బాయనివాఁడవు
వెగటై మావిన్నపాలు వినఁ దీర దాయను
చ. 3: నిండినచలము నాపై నీకు నెంత గద్దో కాక
బెం డైననన్నుఁ గాఁగిట బిగియించేవు
కొండల శ్రీవెంకటేశ కూడి లో నైనవాఁడవు
నిండుకొని యే డవుత నిన్ను నీ వెరఁగవు