ఈ పుట అచ్చుదిద్దబడ్డది
రేకు: 0364-6 లలిత సంపుటం: 11-384
పల్లవి: చాలుఁ జాలు నే మన్నఁ జవి గావు
కూళతన మింతే నిన్నుఁ గొసరఁ బోతేను
చ. 1: ఉమ్మగిలుఁ జిత్తముతో నుడుకుతా నుండేనన్ను
యెమ్మెలకుఁ జెనకేవు యేరా నీవూ
తమ్మి మొగ్గవాట్లకె తల్లడించే నామేను
నిమ్మపంట వేసేవు నే నోపఁ గలనా
చ. 3: చెక్కు చేతఁ బెట్టుకొని చింతఁ బొరలెడినాతో
యెక్కువఁ గేరడా లాడే వేరా నీవూ
మొక్కలాన నీకు దక్కి మోసపోయి వున్న నన్ను
తోక్కేవు నాకాలు వట్టి దూరప్పటి వలెనా
చ. 3: వులుకుట్టుఁజేఁతలకు నుస్సు రంటా నున్ననాతో
యెలయించి నవ్వు నవ్వే వేరా నీవూ
నెలవై శ్రీ వెంకటేశ నిన్నుఁ గూడి యలసితి
బలిమిఁ గాఁగిట నిఁక పచ్చి సేయ వలెనా