ఈ పుట అచ్చుదిద్దబడ్డది
రేకు: 0364-4 రామక్రియ సంపుటం: 11-382
పల్లవి: ఆతని నీవేమైనా నంటివా తొల్లి
నీతమి తానె యెరుఁగు నీకేలే వెరవు
చ. 1: మొగము చూచె నతఁడు మొక్కిలి వందుకు నీ
తగ వాతఁ డెఱఁగడా దాని కేమి
పగ యిద్దరికి లేదు సంతాన నుండితి వింతే
నిగిడి యిందుకుఁ గామ నీ కేలే వెరవ
చ. 2: తామెర వేసె నతఁడు తట్టితివి చేత నీవు
దోమటి దోడికేవేళ దోసమా యేమి
యేమిటాను మోసపోరు యిద్దరికి కిద్దరే సాటి
నేమ మేమిటాఁ దప్పదు నీ కేలే వెరవ
చ. 3: చేత నిన్ను నంటఁగాను సిరసు వంచితి వింతే
ఆతఁడె శ్రీవెంకటేశుఁ డందు కేమి
యేతులకుఁ గూడితిరి యిద్దరు నిక్కడనే
నీతితో బదుక వమ్మ నీ కేల వెరవ
