ఈ పుట అచ్చుదిద్దబడ్డది
రేకు: 0364-3 సాళంగనాట సంపుటం: 11-381
పల్లవి: ఇందాఁకా రా వన వేమమ్మా
అందెందె నవ్వేవు అతనితో నమ్మా
చ. 1: యేలినరమణుని కెన్నఁడు నలుగవు
తాలిమి నీకే తగు నమ్మా
యీలాగులనే యిచ్చక మాడేవు
మేలు మేలు నిను మెచ్చితి మమ్మా
చ. 2: దండ నున్నపతిఁ దరవులు వెట్టవు
నిండురాజసము నీ దమ్మా
వెండియు నతనికి వీడె మొసఁగితివి
కొండఁ బోలు నీగుణ మమ్మా
చ. 3: శ్రీవెంకటపతిఁ జెక్కులు నొక్కేవు
నీ వాడినవే నిజ మమ్మా
కైవసంబుగా గాఁగిటఁ గూడితి
దేవుల వతనికిఁ దెలిసితి మమ్మా
