ఈ పుట అచ్చుదిద్దబడ్డది
రేకు: 0364-2 రామక్రియ సంపుటం: 11-380
పల్లవి: ఏఁటికి వాదుకు వచ్చే వింత నీవు
నాటకపుటాన లేల నమ్మనా నేను
చ. 1: చెంతలఁ జెప్పనమాఁట చెవి యొగ్గి వింటిఁ గాక
కాంతుఁడ నీచేఁత లెల్లాఁ గంటినా నేను
యింతలోనేఎ నీకుఁ గోప మేల వచ్చె నిందరిలో
నంత నిన్ను గురి సేసి అంటినా నేను
చ. 2: చెక్కుల తమ్మచెదరు చేతఁ దుడిచితిఁ గాక
తక్కిన వెఱుఁగుదునా తప్పులు నేను
గక్కన నీ వేల తారుకాణలకుఁ బెట్టేవు
వొక్క టై నీవద్దఁ బాయ కుండితినా నేను
చ. 3: మించి కాఁగిలించఁగా నీ మేను నిమిరితిఁ గాక
యెంచి నీ మైగురుతు సోదించేనా నేను
అంచల శ్రీవెంకటేశ అట్టె నన్నుఁ గూడితివి
యించు కంతయిన నలయించేనా నేను
