ఈ పుట అచ్చుదిద్దబడ్డది
రేకు: 0364-1 పాడి సంపుటం: 11-379
పల్లవి: మాయలు మాని నాతో మాటలాడరా
నాయడ మునిమచ్చుఁ దన మేల నీకు
చ. 1: ఆరయ నాకెవంతూ ననేవు నీ వప్పటిని
నేరుపున నాపెమోము నేఁడు చూడవా
కేరి కేరి నవ్వేవు కేఁగండ్లఁ జూచుకొంటా
యేరా లే దటరా యీ మాట నీవు
చ. 2: బత్తి నాకు గల నంటాఁ బాయవు నీ వాపెకు
హత్తిన చెలిచేఁ జెప్పి యంప వామాఁటా
వత్తివలెఁ బైఁ బడేవు వట్టి చనవు సేసుక
ఉత్తర మీరా యిందు కూరకుండేఁ గాని
చ. 3: యేపున నన్నే కాని యెవ్వరి నొల్లననేవు
ఆపె సొమ్ములె కావా అట్టె నీమేన
రాపుగా శ్రీవెంకటేశ రతి నన్నుఁ గూడితివి
ఆపను లిన్నాళ్లదాఁకా నమరెఁ గా నీకు
