ఈ పుట అచ్చుదిద్దబడ్డది
రేకు: 0363-6 తెలుఁగుఁగాంబోది సంపుటం: 11-378
పల్లవి: చుట్టమవు గా వతని సూడుబంటవూఁ గావు
ముట్టి వేఁడుకోఁ గాను మో మేల వంచేవే
చ. 1: గుట్టు లేక ఆతఁడు నీ కొంగు వట్టి తీసీని
పట్టినచలము మాని పదవే నీకు
వుట్టిపడి నీ చెక్కు లుంగరాలచేత నొక్కె
బెట్టుగా నింతేసి యింకాఁ బెనఁగ నేమటికే
చ. 2: గక్కన నవ్వుతా వచ్చి కదిసి కూచున్నాఁడు
వెక్కసపుకోప మింక విడవే నీవు
అక్కరఁ దనపై నీకు ఆన లెల్లఁ బెట్టె నదే
యిక్కడఁ దొల్లిటినేరా లెంచఁగ నేమిటికే
చ. 3: కందువ లంటుచు నిన్ను కాఁగిలించె నాతఁడు
మందెమేళములు యింక మానవే నీవు
అందెంది శ్రీవెంకటేశుఁ డన్నటాను నిన్నుఁ గూడె
చంద మాయఁ బను లెల్ల సాదించ నేమిటికే
