ఈ పుట అచ్చుదిద్దబడ్డది
రేకు: 0363-5 రామక్రియ సంపుటం: 11-377
పల్లవి: ఇంకా నేల తడవేవు యేరా నీవు
సంకె దేరె నాకు నీ చలమూఁ జెల్లెనూ
చ. 1: మాఁట నీతో నాడితిన మనసు దెలిసితిని
యేఁటికి నన్నుఁ బిలిచే వేరా నీవు
యీటుతోఁ బెండ్లాడితిని యిట్టె సేస వెట్టితివి
వాఁట మాయ వలపులు వద్దనే నుందానను
చ. 2: చేత నీకు మొక్కితిని చేరి నీతో నవ్వితిని
యీతల నన్నొరసేవు యేరా నీవు
నీతగులు చూపితివి నెగు లెల్లాఁ బాపితిని
యేతు నీకు గన మాయ యియ్వకొంటి వందుకూ
చ. 3: కన్నుల నిన్నుఁ జూచితి కాఁగిటిలో నున్నదాన
యెన్నేసి ప్రియాలు చేప్పే వేరా నీవూ
నన్ను మన్నించితి విట్టె నంటున శ్రీవెంకటేశ
చిన్నిపులకలు నేఁడె సెలవు నా కాయను
