ఈ పుట అచ్చుదిద్దబడ్డది
రేకు: 0363-3 భైరవి సంపుటం: 11-375
పల్లవి: అట్టె కాదా తనమోహ మందరు నెరఁగ వద్దా
మిట్టిపడి యిందు కే మెచ్చితిఁ గానేను
చ. 1: సవతులతో నేను సారె వాదు లడువఁగ
తవిలి సాకిరి చెప్పీఁ దన కేలే
యివల నేఁ దనుఁ జూచి యిందుకే వెల గంది
కవకవ నవ్వితిని కడు సంగ తేయఁగా
చ. 2: పగ చాటి వారు నేను పంతములు నెరపితే
తగవులు పచరించీఁ దన కేలే
అగ డై యందుకే నేను అది యటు వెట్టి పతి
మొగమె తప్పక చూచే మగిసెఁనా పనులు
చ. 3: వుఱక మాలో నేము వొట్లు వెట్టుకొంటేను
తఱి సందిమాట లాడీఁ దన కేలే
యెఱిఁగి శ్రీవెంకటేశుఁ డిందుకే నన్నుఁ గూడఁగ
మఱచితి నన్నియును మన సొక్క టాయఁ గా
