ఈ పుట అచ్చుదిద్దబడ్డది
రేకు: 0363-2 దేసాక్షి సంపుటం: 11-374
పల్లవి: అప్పటప్పటికి బాగా లందియ్య వలె మనకు
చెప్పరే కతలు యిఁకఁ జింత లేఁటికి
చ. 1: ముసిముసినవ్వులతో ముంగిట నుండినచెలిఁ
గొసరి కొసరి పతి కొంగు వట్టెను
వసమై యిద్దరు లోన వడిఁ బవ్వళించి రదే
యెసఁగి వాకిట మన మిట్టే వుందమే
చ. 2: చిప్పిలుఁ జెమటతోడ సిగ్గువడి వున్నసతిఁ
గప్పి పచ్చడ మాతఁడు గాఁగిలింనెచు
దెప్పర మిద్దరు దోమతెరలోఁ గూచుండి రిదే
కొప్పులు ముడుచుకొంటాఁ గూచందమే
చ. 3: మాట లాడె అలమేలుమంగఁ చెక్కు నొక్కి కూడె
మేటి శ్రీవెంకటపతి మించురతుల
మాటున నుండి వచ్చి మనవద్ద నిలిచిర
చాటువ సురటులు విసరు చుందమే