ఈ పుట అచ్చుదిద్దబడ్డది
రేకు: 0363-1 లలిత సంపుటం: 11-373
పల్లవి: ఎంత కెత్తుకొంటివి నీ వేరా వోరి
చెంతల నవ్వు నవ్వేవు చెల్లురా వోరి
చ. 1: చెఱఁగు మాసినదాని చెక్కు ముట్టి వేఁడుకొని
యెఱిఁగి నన్నంట వచ్చే వేరా వోరి
యఱియు సురతపుఁజెమటలు జొబ్బిలఁగాను
వుఱక నాపైఁ బూసేవు వుద్దండాలా వోరి
చ. 2: గుట్టున నాకెపొత్తున కోరి యారగించుకొంటా
అట్టె నాకుఁ గడెఁ దిచ్చే వదేరా వోరి
వొట్టుక ఆపెయు నీవు వుండనపరపుమీఁద
యెట్టు గూచుండఁ బిలిచే వేరా నన్ను వోరీ
చ. 3: అచ్చు వాసుకొన్నదాని నట్టె నీవు గూడి వచ్చి
యిచ్చల నన్నుఁ గూడితి వేరా వోరి
పచ్చిగా శ్రీవెంకటేశ భ్రమసితి నీరతుల
మెచ్చితి ని న్నిన్నిటాను మేలు మేలు వోరి
