ఈ పుట అచ్చుదిద్దబడ్డది
రేకు: 0362-6 సాళంగం సంపుటం: 11-372
పల్లవి: సడి సన్న యట్టి నెరజాణ నందువు
గొడవలు దీరఁ జెలి గూడ రాదా రతుల
చ. 1: చిగురుఁబానుపుమీఁదఁ జెలి విరహనఁ బొంది
చిగురువంటిచేయి చెక్కునఁ బెట్టి
చిగురులోపలిచేగ చిత్తమునఁ బుట్ట దాయ
చిగురుఁబోణిని దయ్య నేయ రాదా విభుఁడ
చ. 2: పూవులతోఁటలోన పొలఁతి తాపాన నుండి
పూవుల మొగ్గుల మేనఁ బులకించెను
పూవులలో పూఁపలు పుట్ట వాయ మాటలలో
పూవుఁబోణి నీవు గొంత బుజ్జగించ రాదా
చ. 3: పండువెన్నెలబయట భామిని యలయుచునుండి
పండువంటిమోవివాఁడు బయల వేసె
పండుగలు గాఁగ నిట్టె బాపురె శ్రీవెంకటేశ
పండుజవ్వనిఁ గూడితి పవ్వళించ రాదా