ఈ పుట అచ్చుదిద్దబడ్డది
రేకు: 0362-5 దేవగాంధారి సంపుటం: 11-371
పల్లవి: మంచివాఁడ వవుదువు మమ్ముఁ దడవకు చాలు
ముంచి నీకు నేపొద్దు మొక్కేము నేను
చ. 1: తెగనాడఁ జాలఁ గాక తేనెల నీమాటలకే
ఆగపడి చిక్కరా దైత్యాంగనలు
పగ కోప మింతే కాక పడఁతిఁ జంపినవాని
మగతన మే మున్నది మరతునా నేను
చ. 2: యిచ్చకము మానఁ గాక యిట్టె నీ పొందుల సేసి
కొచ్చి మరులు గొనరా గోపికలు
వొచ్చె మిదె నీ కొడుకు వొగిఁ గూడపెట్టఁగాను
తెచ్చుకొంటివి సతుల దేవరవు గావా
చ. 3: యింకా నే లని కాక యిట్టి నీకు మోహించి
కొంకక వొక్కతె ముక్కుగోఁతఁ బడదా
లంకె మమ్ము గూడితి వీలాగు మమ్ముఁ జేయకుమీ
అంకెల శ్రీవెంకటేశ అన్నిటా నమ్మితిని