ఈ పుట అచ్చుదిద్దబడ్డది
రేకు: 0362-3 సాళంగనాట సంపుటం: 11-369
పల్లవి: సందడికిఁ జొర నేల చలము సాధించ నేల
అం దెంది సరసమాడి అండ నుంట గాక
చ. 1: పంతపు నీ మాటల బావించి తెలియఁ బోతే
కొంతము లై నాటుఁ గాక కొర తయ్యీనా
చింత లేల మాకును నీ చేఁతలే చూచుకొంటా
అంత కంతే చాలు ననే దది మేలుగాక
చ. 2: నగెటి నీ నవ్వుల నయాన వహించుకొంటే
వొగరులే మించుఁ గాక వుడి వోయినా
తల వేల నీమంచితనానకే మెచ్చుకుంటా
మొగమొగా లెదుటనే మొక్కు కొంటఁ గాక
చ. 3: కాఁగిటి నీరతులు గాలించి వెదకఁ బోతే
మాఁగినచవులే కాక మానఁ బోయీనా
సాఁగిన శ్రీవెంకటాద్రిపతి నన్నుఁ గూడితివి
పొఁగు వోఁగుఁ బొందినట్టు పురిగొంట గాక
