ఈ పుట అచ్చుదిద్దబడ్డది
రేకు: 0362-2 భవుళి సంపుటం: 11-368
పల్లవి: సారె విన్నపము లేల చవులు వుట్టించ నేల
దార దప్పకుండేజాణతన మింతే యిఁకనూ
చ. 1: నావలె వలచివట్టి నాతి నీకుఁ గలదా
ఆవల నీవల నే నాడుకోఁ గాక
నీవల్లఁ గడ మున్నదా నెరజాణతనమందు
బావభేదములలోని భాగ్య మింతే కాక
చ. 2: యింత నీతో నవ్వెటియింతి నీ కొకతె యేది
వింతగా నీపై వళకు వేయఁ గాక
చెంత నీచేసినమేలు చెప్పితే నటువంటిదే
కొంత గొంత కూడేవేళ గుణ మింతే యిఁకను
చ. 3: నిన్ను నేఁ గూడినరితి నేరుచునా యెవ్వ తైన
పన్ని నిన్ను నే నిట్టే పంగించఁ గాక
యిన్నిటా శ్రీవెంకటేశ యిటు నన్నుఁ గూడితివి
మున్నిటివెనకల యీ ముచ్చటలే యిఁకను