ఈ పుట అచ్చుదిద్దబడ్డది
రేకు: 0362-1 శంకరాభరణం సంపుటం: 11-367
పల్లవి: నేనె కూళఁ గాని వాడు నెరజాణఁడే
తానె నావెంటవెంటఁ దగిలీనె వీఁడు
చ. 1: మన్ననలు నాకు నిచ్చిన మరి నే నెంత దూరిన
కన్నులనె నవ్వు నవ్వీఁ గదవే వీఁడు
సన్న లెరఁగక నేనె సారెఁ దమకింతుఁ గాని
పన్ని నే నెం తలిగినఁ బదరఁడే వీఁడు
చ. 2: యిచ్చకము నాకుఁ జేసి యెంత నే నలిగినాను
బచ్చనల నావద్దఁ బాయఁడే వీఁడు
కుచ్చతాన నేనె తన్నుఁ గొంగు వట్ట నియ్యఁ గాని
విచ్చనవడిఁ దా నైతే వేఁడుకొనీనె వీఁడు
చ. 3: తాలిమితోడను నేఁ దల వంచుకుండినాను
కేలు చాఁచి నన్ను బుజ్జగించీనె వీఁడు
వే ళెరిఁగి రతుల శ్రీవెంకటేశుఁడిట్టె కూడె
నాలి దీర నన్నిట్టె నమ్మించెనే వీఁడు
