ఈ పుట అచ్చుదిద్దబడ్డది
రేకు: 0361-5 మాళవి సంపుటం: 11-365
పల్లవి: నేరుపు గలితేఁ జాలు నీవే నేను
దూరి మాటాడ నోప మందు లిట్టె నూరకురా
చ. 1: యెప్పడు నీ వారమే యేల పిలిచేవు మమ్ము
చప్ప నై నీ నోరు నొచ్చీఁ జాలించ రాదా
నెప్పున నే నీడ నుంటే నీ వద్ద నుండుట గాదా
ముప్పిరిఁ బెనఁగ నోప ముంజుయి వట్టకురా
చ. 2: వూడిగపువార మింతే వొడ లేల నిమిరేవు
తోడ నీచేతు లరిగీఁ దొలఁగ రాదా
నీడల నే నవ్వితేనె నీ పరిణామము గాదా
వీడ నాడ నే నోప వేసాలు సేయకురా
చ. 3: నీకు మేనదాన నింతే నీ వేల కిందు పడేవు
కాకై నీ రాజసము కైకో రాదా
యీకడ శ్రీవెంకటేశ యిట్టె నన్నుఁ గూడితివి
నీకు నే సరిగా నోప నీ వంత మెచ్చకురా
