ఈ పుట అచ్చుదిద్దబడ్డది
రేకు: 0361-4 ఆహిరి సంపుటం: 11-364
పల్లవి: నవ్వ నీకుఁ జెల్లు నట నాకుఁ గొసరఁ జెల్లదా
రవ్వగాఁ దడవుదురా రాజసపు వాఁడవు
చ. 1: సిగ్గుపడి వున్నమమ్ముఁ జేయి వట్టి తియ్య నేల
యెగ్గు వట్టె వేల నే నే మన్నాను
అగ్గల మై సరసము లాడ నేర్చినవాఁడ
వొగ్గి అన్ని మాటలనును వోరుచుకో నేరవా
చ. 2: జగడించి యున్నదాని చన్ను లంటి చూడ నేల
తగవులఁ బెట్ట నేల తల మంటెను
చిగులుతా మమ్ము నింత నేయ నేర్చినవాఁడవు
యెగసక్కెపు మాకోపా లిముడుకోఁ జాలవా
చ. 3: కన్ను మూసుకున్నదాని కాఁగిలించి పట్ట నేల
చిన్నఁ బోవ నేల నాచే దాఁకె నంటా
యెన్నికెతో శ్రీవెంకటేశ నన్నుఁ గూడితివి
నిన్ను నన్ను నెంచుకొని నిండుకుండ నేరవా