ఈ పుట అచ్చుదిద్దబడ్డది
రేకు: 0361-2 సౌరాష్ట్రం సంపుటం: 11-362
పల్లవి: ఇందు కేల అలుగ మాయింటికి విచ్చేయవయ్య
ముందు మందె నీకు నేము మొక్కేము గాని
చ. 1: యేడ నైనా జేయి చాచే విందుకే పో సిగ్గువడి
ఆడరాని మాటలు నే నాడితిఁ గాక
జాడతో నేక మైతే సారె నీ వేమి సేసినా
కూడ దనేనా నీకు గుట్టు లేదు కాగ
చ. 2: కొలువులో నుండి నీవు కొంగు వట్టి తియ్యఁగానె
వెలయఁగ విదిలించి వేసేఁ గాక
సెలవునఁ బానుపుపై నిన్నుఁ గసరుకొనఁగ
చలమా నీ కక్కూరితే జరుపేపు గాక
చ. 3: నిద్దుర వోయేవేళ నీవు నన్ను లేపఁగాను
అద్దమరేతిరి వోప నంటిఁ గాక
యిుద్దరము సమ్మతల్లి యిటువలెఁ గూడితిమి
అద్దో శ్రీవెంకటేశ అప్పు డేలో కాక