ఈ పుట అచ్చుదిద్దబడ్డది
రేకు: 0361-1 ముఖారి సంపుటం: 11-361
పల్లవి: తనవొళ్లి భయ మింతే తప్పులు నేఁ బట్టేనా
వినవె సిగ్గు వడీని వేగిరించ నేఁటికే
చ. 1: అద్దము నేఁ జేడు మంటె నాన వెట్టి నవ్వీని
అద్దలించి తన్ను వెంగె మాడేనా నేను
వొద్దెకి నే రమ్మంటే నూరకే అట్టట్టు వొయ్యీ
సుద్దు లింతే తన మేను సోదించ వచ్చేనా
చ. 2: జలక మాడే మంటేను సారె సారెఁ దల వంచీ
యెలమిఁ దన కెగ్గవుత యెరఁగను
అలరులు ముడిచే నంటేఁ దా లోఁగీని
మలసి వాడుఁ జూపుల మచ్చము వట్టేనా
చ. 3: నిద్దరించు మంటేను నిట్టచూపు చూచీని
యిద్దరి జాగరాలు నే యెత్తి పెట్టేనా
కద్దులె శ్రీవెంకటాద్ర ఘనుఁ డిట్టె నన్నుఁ గూడె
ముద్దమోము చూచి చూచి మొగ మోడ కుండేనా
