ఈ పుట అచ్చుదిద్దబడ్డది
రేకు: 0360-5 కొండమలహరి సంపుటం: 11-359
పల్లవి: ఇంతటా నీ మనసు రా దెగ్గు లెచం నేఁటి కోయి
చింతతో నుందాన నంటా సిగ్గు వడే వోయీ
చ. 1: చిత్తమును నోవకుండా చిన్నఁబోయి వుండకుండా
మెత్తనిమాట లాడితే మే లదే వోయి
కొత్త లెల్లఁ దొఁచకుండా గుట్ట నీకుఁ జెడకుండా
పొత్తుల నవ్వు నవ్వితి పూఁచి మెచ్చ వోయి
చ. 2: జగడాలు రాకుండా చనవునుఁ దప్పకుండా
సగముచూపు చూచితి చాలదా వోయి
తగులమిఁ బాయకుండా తప్పు నీపైఁ జేయకుండా
మొగము వంచితి నే నీ ముందరనె వోయి
చ. 3: నింద నీపై మోయకుండా నేమమూనుఁ దప్పకుండా
అంది నేఁ బరా కైతి నప్పుడే వోయి
కందువ శ్రీవెంకటేశ కాఁగిలించితివి నన్ను
చంద మాయ నిద్దరికి సరి లేదు వోయి