ఈ పుట అచ్చుదిద్దబడ్డది
రేకు: 0360-4 కాంబోది సంపుటం: 11-358
పల్లవి: చాలు జాలుఁ దనిసితి సటలనె నేఁ డెల్ల
తాలిమి నిందుకై నిన్నుఁ దప్పక చూచేను
చ. 1: నేయ రానిచేఁత లెల్లఁ జేసి వచ్చి నీవు నన్ను
పాయిని చుట్టమువలెఁ బై కొనేవు
కాయకపువారికె కాని లే వీ వినయాలు
వొయమ్మ నిన్నే మనే నూరకుండేఁ గాక
చ. 2: చిత్త మెక్కడనో పెట్టి చేరి నాతో మాయలకు
బిత్త గలవానివెల పలికే విదే
హత్తి గాయగంట్లె కాని అంతేసి నేరరు
యిత్తల నెట్టు పూఁకొందు నిట్టె నవ్వేఁ గాక
చ. 3: తేరకల్లె నెవ్వతెనో తెచ్చి యాపెచేత నాకు
చేరికొనఁ బెట్టి సేవ సేయించేవు
నేరుపు శ్రీవెంకటేశ నీకె కాని లేదు
సారెనన్నుఁ గూడితివి సమ్మతాయ నిదివో
