ఈ పుట అచ్చుదిద్దబడ్డది
రేకు: 0360-3 వరాళి సంపుటం: 11-357
పల్లవి: ఎరవులదానివలె నెందు వొయ్యేవే ఆత
నిరవులు వెదకవే యేమి సేసివో
చ. 1: కంకణాల చేతుల కదల నూఁచుకొంటాను
యింకనిచెమటలతో నెందు వొయ్యేవే
అంకెల నీయింటికి నాతఁడె విచ్చేసె
యింకా రాఁడా వెర గయ్యీ నెంతఁ బోయనో
చ. 2: సెలవుల నవ్వుకొంటా చెంపలఁ దురుము జార
యెలమి నసురుసు రై యెందు వొయ్యేవే
కొలఁది లేనిసొమ్ములు కొంట వచ్చె నీకు నిట్టె
యెలయించి నాతోఁ జెప్పి యేడ నున్నాఁడో
చ. 3: బంగారు పాదాలతోడ పట్టుచీర కొంగ జార
యింగితాల గాన రాఁగా నెందు వోయ్యేవే
అంగన శ్రీవెంకటేశుఁ డప్పుడె నిన్నుఁ గూడెనో
రంగై నీ వెంటనె వచ్చే రాఁపుల వీఁడు గదే
