ఈ పుట అచ్చుదిద్దబడ్డది
రేకు: 0360-2 కేదారగౌళ సంపుటం: 11-356
పల్లవి: ఏల నిలువఁ బెట్టేవు యింతేసి వలపులు
పోలికలు గాన రాదా పోయనందుకే
చ. 1: ఆన వెట్టేవు నామీఁద నక్కర గల నంటాను
కాని కాని అందు కేమి కడమా నేఁడు
యీనిజము లెంచఁ బోతే యీరుదియ్యఁ బేనువచ్చు
వోరి నన్ను గుట్టుతోనె నూరకుండ నియ్యరా
చ. 2: తారుకాణించ వచ్చేవు తలఁతు న న్నంటాను
సారె సారె నందు కేమి చాలదా నేఁడు
మారుబాణము లెంచితే మంచముకిందే నుయ్యి
నేరుపుతోఁ బరాకున నెత్త మాడ నియ్యరా
చ. 3: పులకలే చూపేవు పోంది కరఁగితి నంటా
తలతల అందు కేమి తగదా నేఁడు
యెలమితో శ్రీవెంకటేశ నన్నుఁ గూడితివి
పలుకుఁబంతము చెల్లె భావించుకో నియ్యరా
