ఈ పుట అచ్చుదిద్దబడ్డది
రేకు: 0360-1 ముఖారి సంపుటం: 11-355
పల్లవి: బాపు బాపు జాణ గదే బావఁగారు
కోపగించీ నోప నంటే గోల బావఁగారు
చ. 1: చనవు సేసుక నాతో సారె సారె నవ్వీని
పని లేదు తన కేమి బావగారు
వినరె మాటల నుప్పు వేసి పొత్తు గలసీని
పెనఁగి యెక్కడ నైనా పెద్దబావఁగారు
చ. 2: నయమున నా యెదుట నన్నుఁ బేరుకొని పాడి
బయలు వందిలి వెట్టీ బావఁగారు
ప్రియముతో మంచ మెక్కీ పిలివని పేరంటము
లయకాఁడు గదవే తొలఁగుబావఁగారు
చ. 3: సులభానఁ దానె మెచ్చి సోమ్ము లెల్లా మెడఁ గట్టీ
బలిమికాఁడు గదవే బావఁగారు
తొలఁగక నన్నుఁ గూడి దొరకోలు సేసుకొని
చెలఁగీ శ్రీవెంకటాద్రి చిన్నబావఁగారు
