ఈ పుట అచ్చుదిద్దబడ్డది
రేకు: 0359-6 ఆహిరి సంపుటం: 11-354
పల్లవి: అప్పుడువో నన్నుఁ జూచే దంతా నీవు
చెప్పక నీవు దాఁచినచెలిఁ గంటేఁ గాని
చ. 1: చెప్ప రాదు గాని నా చిత్తములోని చింత
వుప్పతిల్తి వున్నది నా వొళ్లఁ జూడరా
కప్పురానాఁ బోదు చల్లగాలిచేతా నారదు
తప్పదు నిన్ను రానీనిదానిఁ గంటేఁ గాని
చ. 2: చూప రాదు గాని నా చుట్టుకొన్నతమకము
ఆఁప రానినిట్టూరుపు లందుఁ జూడరా
తీపుల మాటలఁ బోదు తేటల వెన్నలఁ బోదు
తాపి యై నిన్ను బోదించేదానిఁ గంటేఁ గాని
చ. 3: యెంచ రాదు గాని నా యీరసపుఁ జలములు
యించుక నా కాఁగిటిలో నిదె చూడారా
ముంచిన శ్రీవెంకటేశ మూసి మంతనాలఁ బోదు
అంచెల నీ మేలుదాని నట్టెకంటేఁ గాని
