ఈ పుట అచ్చుదిద్దబడ్డది
రేకు: 0359-5 మంగళకౌశిక సంపుటం: 11-353
పల్లవి: ఇప్పుడె సవతితన మేరుపడె నాకు నేఁడు
తప్పులేదు యిఁక నన్నుఁ దడవక పోవే
చ. 1: ఆతఁడె నీమీఁదిబత్తి అవు నట యిఁక నీవు
యీతల వెంగెము లాడి యేమి సేసేవే
కాతరాన మా గుట్టు కడు బయట వేసితి
భీతి వాసె నిఁక నీవు బీరము లాడకువే
చ. 2: వూరకె మా యింట నాతఁడున్నాఁ డంటా నాడేవు
సారెకు నీవిఁక మరి సాదించే దేమే
యీరీతి మా చలి వాపి యింత ఱట్టు సేసితివి
తేరెఁ బను లన్నియును తెగ నాడేఁ బదవే
చ. 3: శ్రీవెంకటేశ్వరుడు నాకుఁ జేరి వొప్పగించితివి
కావించి నీ వాడేనింద గట్టాయ లేవే
వేవేగ నాతఁడు నన్ను విచ్చనవిడిఁ గూడెను
దేవరే మేలు సేసె తెరమరఁ గేఁటికే