ఈ పుట అచ్చుదిద్దబడ్డది
రేకు: 0359-4 సామంతం సంపుటం: 11-352
పల్లవి: నీవు విరహి వవుట నే నెరఁగనా
భావించ యెవ్వ రవుతా నేర్పరచలేఁ గాని
చ. 1: కాఁకలు నీ మాటలోనె కాన రాదా నీ మేను
సోఁకించి నా కప్పటిని చూప వలెనా
యేఁకట నాకయిన దిన్ని యెవ్వతెకు నీ వైనది
తేఁకువ నీ రెండూను తెలియలేఁ గాని
చ. 2: కరఁగులు నీ మోము కళలోనె కాన రాదా
ఆర మరిచితి నంటా నాడవలెనా
ధర నిది నా కవుత తగ వేరొకతె కవుత
యిరవుగ నిది నిశ్యయించలేఁ గాని
చ. 3: కూటమి నీ కాఁగిటితో గురి సేయవలెనా నీ
తేటలు ప్రియాలలోనె ద్రిష్టము గాదా
మేఁటివి శ్రీవెంకటేశ మించి నన్నుఁ గూడితివి
యాఁటదాటిపొందవుత అరయలేఁ గాని