ఈ పుట అచ్చుదిద్దబడ్డది
రేకు: 0359-3 పాడి సంపుటం: 11-351
పల్లవి: మేలు మేలు రాఁగా రాఁగా మెచ్చితి నిన్ను
కోలు ముందై యిందే కాక కొండకుఁ బొయ్యేవా
చ. 1: సంతసాన నేనీతో జరసి మాటడఁగాను
పంతము దప్పీ నంటాఁ బలుకవు
రంతుల నేఁడె నీకు రాజస మెంత గల్లాను
కాంతలమీఁదనె కాక కడఁ జూపేవా
చ. 2: సలిగెతో నేనెంత నటలు సేసిన నీవు
చలము దప్పీ నంటా సరి నగవు
పెలుచుఁదనాన నీకు బీర మెంత గలిగినా
చెలులమీఁదనె యింత సేయక మానేవా
చ. 3: యేపుననీ ముందటనె యెంత నిలుచుండినా నీ
చూపు లరగీ నంటాఁ జూడ జాలవూ
బాపుర శ్రీవెంకటేశ పచ్చిగాఁ గూడితి నన్ను
నీ పొందు నాతోనె కాక నేఁడు మానేవా