ఈ పుట అచ్చుదిద్దబడ్డది
రేకు: 0359-2 వరాళి సంపుటం: 11-350
పల్లవి: వాకిట కాతఁడు రాఁగా వద్దంటినా
చేకొని నా కేల చేప్పేవే బుద్దులు
చ. 1: మన సాతనితగులు మాటలు నీతో తగులు
వొనర నన్నే మనేవే వో చెలియ
కనుచూపు లాతనిపై కాఁకలు నామేనిమీఁద
పెనఁగీ నింకా నేల పెంచేవే దూరులు
చ. 2: సిగ్గు లాడ కంపితిని చెక్కుచేయి నాకు నిదె
యెగ్గులు దప్పులు లేవు యే మనేవే
దగ్గరెఁ దనపొరువు తాలిమి నాకుఁ గరవు
నిగ్గుల నాపయి నేల నించేవే కోపము
చ. 3: ముంగిట నాతఁడున్నాఁడు మూల నున్నదాన నేను
అంగడి కెక్కె వలపు లవుఁ గదవే
రంగుగా శ్రీవెంటాద్రిరాయఁ డిట్టె నన్నుఁ గూడె
సంగ తాయి నీ కోరికె చల మేలే యిఁకను