ఈ పుట అచ్చుదిద్దబడ్డది
రేకు: 0359-1 శంకరాభరణం సంపుటం: 11-349
పల్లవి: అదివో నీ రమణుఁడు అలుగఁగఁ దరి గాదు
యెదిటికి రావు లోన నేమి సేసేవే
చ. 1: చిలుక పావురము చెరకు శింగిణివిల్లు
వలరాజు దాడి ముట్టె వసంతవేళ
బలిమిఁ గోవిలకూఁత పరివారముల మోఁత
యెలమి నదివో లోన నేమి సేసేవే
చ. 2: పొడవు మీను టెక్కెము పూవులయమ్ములపొది
వెడలె వరుఁడు దండు విరహులపై
యెడయని వెన్నలలు యెగయుఁ బౌఁజుల ధూళి
యిడమఁ జింతతో లోన నేమి సేసేవే
చ. 3: చిగురుబజొంపపు జల్లి చిరుతగాలి ప్రధాని
మగటిమిఁ గాముఁ డెక్కె మనసులపై
తగిన శ్రీవెంకంటాద్రి దైవ మిట్టె నన్నుఁ గూడె
యెగసక్కెమున లోన నేమి సేసేవే
