ఈ పుట అచ్చుదిద్దబడ్డది
రేకు: 0358-6 మాళవిగౌళ సంపుటం: 11-348
పల్లవి: ఓప నన్న విడవవు వూఁకొను మనేవు నీవు
నీ పను లివెల్లాను నిన్ననె పో వింటివి
చ. 1: మాను మన్న మానవు మా తొనె నీ సుద్దు లెల్లఁ
దేనె పూసి చెప్పి చెప్పి తేలించేవూ
కాని కాని అందు కేమి కల్ల లాడేవాఁడవా
నే నెరుఁగుదు నంతాను నిన్ననె పో వింటివి
చ. 2: వద్దన్నా విడువవు వాకిటఁ గూచుండీ నీ
పెద్దరికే లెల్ల నాతో పెంచి చెప్పేవు
కద్దు గద్దు నీవల్ల కడము లేమి లేవు
నిద్దరించు నీ గుణము నిన్ననె పోవింటిని
చ. 3: సిగ్గు వడ్డాఁ బో నీవు చేయ వట్టుకొని నాతో
అగ్గలపుఁ బచ్చిమాట లవి చెప్పేవు
దగ్గరి శ్రీవెంకటేశ తగు నన్నుఁ గూడితివి
నిగ్గుల నీ కత లెల్ల నిన్ననేపొ వింటని
