ఈ పుట అచ్చుదిద్దబడ్డది
రేకు: 0358-4 శుద్దవసంతం సంపుటం: 11-346
పల్లవి: ఓరి పో యిదేడ సుద్ది వుండఁ బట్టదా వోసి
వోరికొట్లు గొట్టఁగా వొద్దికి వచ్చితినే
చ. 1: గొల్లపిన్న వాఁడా గోవులఁ జక్కఁ గావరా
యిల్లిదె మావాకిలి నీ వేల కాచేవు
కల్ల గాదె నీమాట నేఁ గాచే ఆవులపాల
చల్ల లమ్మఁ బోఁగానె పో సాదించ వచ్చితిని
చ. 2: బాలకృష్ణబోయిఁడా పసులు వల్లె వేయరా
వాలుఁ జూపుల మ మ్మేల వల్లె వేసేవు
నేలనుండి మాకోడెలు నీ యింటిచూరు మేసె
తోలవైతి వందుకే పో దూరులు వేసితిని
చ. 3: నాలి శ్రీవెంకటేశుఁడ నాచన్ను లెల పట్టేవు
చాలదా నీవు పసుల చను పట్టేది
మేలిమి ఆవులవారి మెలుతలు మీరు గాన
మూల నన్ను మీ చన్నులు ముట్టి నేఁ గూడితిని