ఈ పుట అచ్చుదిద్దబడ్డది
రేకు: 0358-3 ఆహిరి సంపుటం: 11-345
పల్లవి: ఆఁటదానిపై నీ బలు వంతయునుఁ జూపేవా
నాఁటెనా నీ ఆయములు నవ్వుల నా మాటలు
చ. 1: వాలుకరెప్పలు వంచి వడిఁ దప్పక చూచేవు
వొలి నిందాఁక నేడ నుంటి వంటేను
తాలిమి లే కప్పటికి తగఁ గసరుకొనేవు
యేలని నెంజిరి వికం నెంతటాఁ దీరదురా
చ. 2: చేరి మారుమోముతోఁ బిల్చిన నాతోఁ బలుకవు
మేర మీరే నీ గుణాలు మెచ్చే నంటేను
దార దప్ప కందుకె తగఁ బంతా లాడేవు
యేరా నా పై కోప మెంత నీ కున్నదిరా
చ. 3: కోక గట్టుక నాతోను కోరివాదుకు వచ్చేవు
కైకొని నీ పరువులు గంటి నంటేను
యేక మై యిట్టె శ్రీవెంకటేశ నన్నుఁ గూడితివి
యీడక నా గరిమెలు యెందు కైనా వచ్చురా
