ఈ పుట అచ్చుదిద్దబడ్డది
రేకు: 0358-2 ముఖారి సంపుటం: 11-344
పల్లవి: ఊరకె గుట్టు సేసుక వుండనీ వయ్య
పేరఁ బెట్టినటువంటి పెరగె మాజరగు
చ. 1: గొల్లవారిమాఁటలు గోనుఁ బువ్వువాటులు
కెల్లు రేఁచి మమ్ముఁ బలికించకు వయ్య
కొల్లలాడే బాగులు గొడ్డుఁబుల్లతేగెలు
నొల్లనొల్లమి విడే లుంగిటయ్యీ మాకును
చ. 2: చిత్తములో మంకులు చేతు కెల్లా అంకులు
బత్తితో మమ్ము బలిమిఁ బట్టకు వయ్య
గుత్త మైనమేడలు కొమ్మిమాకునీడలు
కొత్త సున్నపుటిండ్ల కొర యాల మాకును
చ. 3: తొలుతే మా కాఁపురాలు తోఁపుతిత్తి దాఁపురాలు
తిలకించి మా వొడి సోదించకు వయ్య
నెల వైశ్రీవెంకటేశ నీవు మమ్ముఁ గూడితివి
మొలకలపులకలు మోపు లాయ మాకును
