ఈ పుట అచ్చుదిద్దబడ్డది
రేకు: 0358-1 పాడి సంపుటం: 11-343
పల్లవి: ముద్దు గారీఁ జూడరమ్మ మోహనమురారి వీఁడె
మద్దులు విరిచిన మా మాధవుఁడు
చ. 1: చల్ల లమ్మ నేరిచినజాణ గొల్లెతల కెల్ల
వల్లెతాడు మా చిన్న వాసుదేవుఁడు
మొల్లపు గోపికల మోవిపండులకు నెల్ల
కొల్లకాఁడు గదమ్మ మా గోల గోవిందుఁడు
చ. 2: మందడిసానుల కమ్మని మోముఁదమ్ములకు
చెందినతుమ్మిదవో మా శ్రీ కృష్ణుఁడు
చంద మైన దొడ్డివారి సతులవయసులకు
విందువంటివాఁ డమ్మ మా విఠ్ఠలుఁడు
చ. 3: హత్తిన రేపల్లెలోని అంగనామణుల కెల్ల
పొత్తుల సూత్రము మా బుద్దుల హరి
మత్తిలి వ్రేతెల నిండుమనసుల కెల్లాను
చిత్తజునివంటివాఁడు శ్రీవెంకటేశుఁడు
