ఈ పుట అచ్చుదిద్దబడ్డది
రేకు: 0357-5 ఆహిరి సంపుటం: 11-341
పల్లవి: ఎందు కైన వచ్చు నీయిటువంటి భావములు
విందుగా నాతో నాడవే వింటా నున్నాఁ డాతడు
చ. 1: చెక్కునఁ బెట్టేవు చేయి సిగ్గుకో చింతకో కాని
తక్కక నేపతిసుద్ది దడవితేను
పక్కన నవ్వే వందుకు పగటో నీ పల్లదమో
వొక్కమాటె ఆన తేవే వొద నున్నాఁ డాతఁడు
చ. 2: తప్పక చూచే వదేమే తగలమో కోపమో
చిప్పిల నాతని నీ చేతి కియ్యఁగా
కుప్పేవు పయ్యదకొంగు కసరులో కొసరులో
వొప్పుగా నాకుఁ జెప్పవే వూరకున్నాఁ డాతఁడు
చ. 3: పవ్వళించే యేమే నీ పంతనాలో పొంతనాలో
యివ్వల శ్రీవెంకటేశుఁడెడ మియ్యఁగా
దవ్వుల నుండిననన్ను దగ్గరఁ బిలిచే వేమే
నివ్వటిల్ల నాన తీవే నిన్నుఁ గూడె నతఁడు