ఈ పుట అచ్చుదిద్దబడ్డది
రేకు: 0357-4 మధ్యమావతి సంపుటం: 11-340
పల్లవి: పంతములే నెరుపేవు పలుమారును
యెంత కెంత విచారించ కిది నీకుఁ దగునా
చ. 1: వీడ నాడేవు విభుని వీసమంత పని కైన
తోడనె కొండవంటి దొర గాఁడా
యేడ నైనా నీ వైతే నెకసక్కెమే సేసేవు
జాడతో నీచే నాతఁడు సాదింపఁబడునా
చ. 2: చెలరేఁగే వది యేమే చేతికి లోనాయ నంటా
వలపు నీమీఁదఁ గలవాఁడు గాఁడా
సొలసి సొలసి వోరచూపుల జూచే వదేమే
చలపాదితన మింత సతులకుఁ చెల్లునా
చ. 3: సిగ్గువడే విది యేమే చేయ నీపై వేసె నంటా
యెగ్గు లేని శ్రీవెంకటేశుఁడు గాడా
అగ్గ మై నీచిత్తము రా నన్నిట నాతఁడు గూడె
కగ్గ దేరినందుమీఁదఁ గపటము చెల్లునా
