ఈ పుట అచ్చుదిద్దబడ్డది
రేకు: 0357-3 సామంతం సంపుటం: 11-339
పల్లవి: ఇంత చలము నీ కే లమ్మా
కొంతయినఁ దెలుసుకో వమ్మా
చ. 1: అలుకలుఁ బులుకలు నాతనితోడను
వలవని దేఁటికి వద్దమ్మా
మొలకల నవ్వులు ముంచఁగ నీకిఁకఁ
దల వంచు కొనఁగఁ దఁగ దమ్మా
చ. 2: పెనఁగులు జనుగులుఁ బెట్టేవు పిలువఁగ
పని మాలినపని బలు వమ్మా
చనవులు నీ పతి చల్లఁగ మరి యిఁక
వెనకటిమంకులు విడ వమ్మా
చ. 3: అసురులు నుసురులు నందినకాఁగిట
వసివాడులు నిఁక వలె నమ్మా
యెసగిన శ్రీవెంకటేశుఁడు గూడెను
పొసఁగె నిన్నియును భోగించ వమ్మా
