ఈ పుట అచ్చుదిద్దబడ్డది
రేకు: 0357-2 దేసాళం సంపుటం: 11-338
పల్లవి: ఎట్టు గెలువంగ వచ్చు నిటువంటివాని నిన్ను
పట్టినచలముతోడ భ్రమలఁ బెట్టితివి
చ. 1: మంచిమాట లాడఁగానె మఱచితి నిన్నియును
అంచెల నేఁ గోపగించే నంటా నుంటిని
యెంచి కన్ను లెఱ్ఱ చూడు యిటువంటిదాని నన్ను
మంచముమీఁదిఁకి దీసి మరిగించితివి
చ. 2: చెక్కు నీవు నొక్కఁగానె చిత్త మెల్లఁ గరఁగితి
అక్కరతోఁ గాఁగి లియ్య నంటా నుంటిని
మిక్కిలి నాకాఁక చూడు మీరి వచ్చేదాని నన్ను
వెక్కసాన నొడి వట్టి వెఱ్ఱిఁ జేసి తిపుడు
చ. 3: వొద్దికి నీవు రాఁగానె వొడఁబడితిఁ గాకిట్టె
అద్దలించి ఆన వెట్టే నంటా నుంటివి
గద్దరి శ్రీవెంకటేశ గబ్బి నైననన్నుఁ జూడు
ముద్దుమోము యిచ్చి కూడి మొక మోడించితివి