ఈ పుట అచ్చుదిద్దబడ్డది
రేకు: 0357-1 నాదరామక్రియ సంపుటం: 11-337
పల్లవి: నే నెంత నీ వెంత నీతోనే బలిమా
మానరాని కృపతోడ మన్నించితి గాక
చ. 1: చిత్తము వచ్చి నావద్ద చేరి వున్నాఁడవు గాక
వొత్తుకోలు వల పైతే వుండేవా నీవు
యెత్తిన కోపపుదాన నేమి బాఁతి నే నీకు
బత్తి సేసితివి నాభాగ్య మింతే కాక
చ. 2: పిలిచితి విచ్చేసితి ప్రేమ గలుగఁగఁగాక
సొలసితేఁ బరులకు సులభుఁడవా
చెలులుల మీ కెంత లేదు చేరి నాతోనె మాట
పలు కాడే విదే నాభాగ్య మింతే కాక
చ. 3: యిద్దరి మొక్కటి గాఁగ నిన్నియు నమరెఁ గాక
పొద్దు వోనిచోట చవి వుట్టీనా నీకు
గద్దరి శ్రీవెంకటేశ కాఁగిట నన్నుఁ గూడితి
బద్దు గాదు మెచ్చితి నాభాగ్య మింతే కాక