ఈ పుట అచ్చుదిద్దబడ్డది
రేకు: 0356-6 పాడి సంపుటం: 11-336
పల్లవి: ఎప్పుడు మంచిదాననె యిదివో నీకు నాతో
చెప్ప వద్దు గాని నీకు సెల విచ్చేను నేనూ
చ. 1: నిచ్చలూను నిజ మాడి నీకుఁ బగ యవుకంటే
రిచ్చల నూరకుండితే రేఁచ నే లయ్య
హెచ్చి నే నే మనినాను యీరు దియ్యఁ బేను వచ్చు
కుచ్చితము గాదు లొనఁ గూచుండే నేను
చ. 2: కూరిమి నీవెంట వచ్చి గుండెదిగు లవుకంటే
బీరాన నే నీడ నుండేఁ బిల్వకు వయ్య
కేరడాన నట్టె గోర గీరితే నేరు లవును
నేర నంతేసి యిచ్చలు నిద్దిరించే నేనూ
చ. 3: గక్కువ నీ మోవి యాని గంటు రాఁగించుకంటే
చిక్కి నీ వశాన నుండే చెనక కయ్యా
పక్కన శ్రీవెంకటేశ బలిమి నన్నుఁ గూడితి
వక్కర దీరినమీఁద నలయించ కయ్యా
