ఈ పుట అచ్చుదిద్దబడ్డది
రేకు: 0356-5 సామంత సంపుటం: 11-335
పల్లవి: సిగ్గుపడి నీవు నాతోఁ జెప్ప జాల వింతే కాక
కగ్గిన నీ విరహము కాన రాదా నాకు
చ. 1: చెక్కుమీఁది చేయే చెప్పీఁ జిత్తములోపలిచింత
యిక్కడాఁ బతిపై మోహ మేల దాఁచేవే
లక్కవలెఁ గరఁ గొకలాగుల మాట లాడేవు
నెక్కొన్న విభావములు నే నెరఁగనా
చ. 2: కన్నులచూపులె చెప్పీ గాయముతో తమకము
యెన్నికలు నీవు నాతో నేల దాఁచేవే
పన్ని చెమరించుకొంటా పైపై బొంకేవు నాతో
వెన్నెల నీసుద్దు లెల్ల వినకున్నదాననా
చ. 3: నెలవినవ్వులె చెప్పీ శ్రీవెంకటేశునిపొందు
యెలమి నింకా నాతో నేల దాఁచేవే
వెలయ నాతఁడె నిన్ను వెల్లవిరిగాఁ గూడె
నిలువు నూరూఁ బండె నీ కెలె వెరపూ
