ఈ పుట అచ్చుదిద్దబడ్డది
రేకు: 0356-3 బౌళి సంపుటం: 11-333
పల్లవి: చాలుఁ జాలు నాతోడి చల మేఁటికి
ఆలరి వై వుడికించి ఆదరించ నేఁటికి
చ. 1: జల్లజంపు గాఁకతోడ జాగులు సేయ నోప
అలాడ నేకాంత విరహమే చాలు
పెల్లున నప్పటి నన్నుఁ బిలవకురా నీవు
యిల్లిందాఁకా కాఁకఁ బెట్టి యిఁక నేల ప్రియము
చ. 2: పలు మంచిమాటలనె భ్రమఁబడ నోప నాకు
అలర నీతో వావాద మయినా మేలు
తల యెత్తి మోము చూపి తగులకురా నన్ను
వొలసీ నొల్లక వుండి వూరడించ నేఁటికి
చ. 3: బేసబెల్లి కాఁగిటిబిగువుకు నే నోప
రేసులతో నవ్వు నవ్వే వాసులే మెచ్చు
ఆస యిచ్చి శ్రీవెంకటాధిప నన్నుఁ గూడితి
వేసటగా నలయించి వేఁడుకొన నేఁటికి