ఈ పుట అచ్చుదిద్దబడ్డది
రేకు: 0356-1 సాళంగం సంపుటం: 11-331
పల్లవి: నీ చెయ్యే మీఁ దాయ నీకుఁ జెల్లురా నిన్ను
యేచి వలపుల బయ లీఁదించ నైతిరా
చ. 1: మంచివానివలెనె మాట లాడఁ బిలిపించి
కంచముపొత్తుకుఁ దీసి కాకు సేసేవు
వంచనతో దవ్వులనె వట్టిగట్టు చేసి నిన్ను
పెంచి నీచేఁ బ్రియము చెప్పించ నేర నైతిరా
చ. 2: బత్తి గలవానివలె పానుపుమీఁదికిఁ దీసి
హత్తి సిగ్గువడ నంటా నట్టె నవ్వేవు
కొత్త సతులవలెనె గొందులనుండి నిన్ను
తత్తరాన నాడ కెడతాఁకించ నైతిరా
చ. 3: యిచ్చకునివలెనె యెలయించి నన్నుఁ గూడి
అచ్చల నా సుద్దులెల్ల నాడుకొనేవు
మెచ్చుగా శ్రీవెంకటేశ మేర మీరి ఆవేళనె
కచ్చు పెట్టి నీ మోవి గంటి సేయ నైతిరా